Skráning í ferðir stendur yfir og eru konur hvattar til að skrá sig sem fyrst hér á heimasíðunni með því að smella á „Umsókn um orlofsferð“ í stikunni hér fyrir ofan. „Sérhver kona, sem veitir eða hefur veitt heimili forstöðu, án launagreiðslu fyrir það starf, á rétt á að sækja um orlof“.

Hægt er að lesa ferðalýsingar og sjá verð á ferðum með því að smella á „Ferðir 2024“.

Nú styttist í að konur geti farið að velja sér orlofsferð, framundan er fjölbreytt ferðaár eins og svo oft áður. Úrvalið er mikið og er það einlæg von orlofsnefndarinnar að allar konur sem áhuga hafa geti hér fundið sér ferð við hæfi. Nánari ferðalýsingar og verð eru við hverja ferð fyrir sig.

Að þessu sinni var sólareyjan Tenerife fyrir valinu í 15 daga vorferð 7. – 21. maí á 4*glæsihótelinu H10 Gran Tinerfe.

Síðan er það Frakkland, 6 daga ferð 07. – 12. ágúst um Normandí og endað í heimsborginni París.

Svo er komið að Vestfjarðarðar hring, 4 daga ferð 22. – 25. ágúst um ýmsar perlur Vestfjarða, gist verður í 2 nætur á Hótel Ísafirði og 1 nótt í Sælingsdal í Dölum.

Í október er það Tékkland. Þá er í boði 6. daga mjög áhugaverð ferð um Prag og Karlstejn dagana 11. – 16 október.

Endum svo ferðaárið í Skotlandi, með 5 daga Jólaferð til Edinborgar höfuðborgar Skotlands 22. – 26. Nóvember.

Dagsferðir eru fyrirhugaðar til: Vestmannaeyja, Blönduós og Grundarfjarðar en nánar um þær fljótlega.

Nokkur sæti eru laus í skemmtilega Jólamarkaðsferð til Þýskalands

30.11-04.12 2023

Heimsóttir veða jólamarkaðir bæði Bad Homburg og Rüdesheim

Sjá nánari ferðalýsingu með að smella á Ferðir 2023

og síðan smella á myndina við Jólamarkaður Bad Homburg.

Orlofsnefndin hefur nú bætt við einni haustferð „austur fyrir fjall“ ef næg þátttaka fæst. Skráning er hafin og fer vel af stað.

Nánari upplýsingar um ferðina sem er dagsferð undir Ferðir 2023 í stikunni hér ofar. Brottför er frá Digranesvegi 7, Kópavogi Þriðjudaginn 5. September 2023 kl 10:00

Orlofsnefndin hefur ákveðið að bæta við einni dagsferð í Ölfusið þann 11 maí nk. Byrjum á að fara í Hveragarðinn í Hveragerði, fáum þar leiðsögn og smakk. Förum síðan í Hespuhúsið þar sem Guðrún Bjarnadóttir náttúrufræðingur tekur á móti okkur. Eftir að hafa gætt okkur á hádegisverðarhlaðborði á veitingastaðnum Hvíta Húsinu Selfossi verður keyrt áfram í Þingborg, þar á neðri hæðinni í Gallerý Flóa tekur á móti okkur glerlistakonan Fanndís Huld Valdimarsdóttir. Hún hefur unun af því að færa gömul handverk og siði inn í nútímann með keramikgerð og glerperlugerð. Fanndís byggir vinnu sína og tilraunir á því sem fundist hefur í fornleifa uppgreftri frá víkinga tímanum. Svo er alltaf gaman að skoða ullarvörurnar á efri hæðinni áður en haldið er heim á leið. Sjá nánar undir; Ferðir efst á síðu.

Nú fer hver að verða síðastur að bóka í vorferðina. Þetta er spennandi ferð þar sem gist er í tvær nætur á Hótel Klaustri, skoðum Jökulsárlón, Þorbergssetur, Fjarðrárgljúfur, Reynisfjöru og fleiri spennandi staði.

Umsóknarfrestur er til og með sunnudags 26.mars

Hlökkum til að heyra frá ykkur

Orlofsferða árið 2023 hefst með þægilegri þriggja daga vorferð um Suðurlandið með tveggja nátta þægilegri gistingu á Hótel Klaustri.

Síðan stefnum við á Strandir í Júní. Strandaferðin verður dagsferð því ekki var nokkur leið að fá gistingu fyrir hópinn á einum stað, því miður. Þar þyrftu strandamenn að bæta í með gistimöguleika. Í júlí verður farin dagsferð um stórbrotna náttúru Reykjanesskagans.

Val verður um þrjár utanlandsferðir að þessu sinni, Suður England í ágúst, Norður Ítalía í október og
aðventuferð til Þýskalands og farið t.d. á jólamarkaði í Bad Homburg og í Rüdesheim sem er
einstaklega skemmtilegur.

Sjá má nánari ferðalýsingar og verð á ferðunum með að ýta á hnappinn í stikunni hér fyrir ofan sem
stendur á Ferðir 2023